LGBTQ အတွေ့အကြုံနှင့် ဇာတ်လမ်းအကြောင်း ဖော်ပြသည့် LGBTQ ရုပ်ရှင်ရိုက်ကူးသူများ၏ ရုပ်ရှင်ပရောဂျက်များအတွက် ရန်ပုံငွေ ပံ့ပိုးရန် The LinQ Foundation မှ အဆိုပြုလွှာများ ခေါ်ယူနေပါသည်။
အဆိုပြုလွှာ စည်းမျဉ်းစည်းကမ်းများ
| ၁။ အရည်အချင်းပြည့်မီမှု | မြန်မာနိုင်ငံသား ဖြစ်ရမည်၊ ရုပ်ရှင် ရိုက်ကူးသူ ဒါရိုက်တာသည် LGBTQ ဖြစ်ရမည်။ အနည်းဆုံး ဇာတ်ကား တစ်ကားရိုက်ကူးထားသည့် အတွေ့အကြုံရှိသူဖြစ်ရမည်။ |
| ၂။ ဇာတ်လမ်းအသားပေး | ရိုက်ကူးမည့် ဇာတ်လမ်းသည် LGBTQ အတွေ့အကြုံနှင့် ပတ်သက်သည့် အကြောင်းများ၊ ဇာတ်ကြောင်းများနှင့် ဇာတ်ကောင်များကို ဗဟိုပြုရမည်။ LGBTQ အသိုင်းအဝိုင်းအတွင်း၊ ချစ်ခြင်းမေတ္တာ၊ အထောက်အထား၊ ရုန်းကန်မှု၊ အောင်ပွဲနှင့် နယ်ပယ်လမ်းဆုံလမ်းခွများတွင် ရှိနေမှုများ (intersectionality) စသဖြင့် ပါဝင်နိုင်သည်။ ဇာတ်လမ်းသည် မှတ်တမ်းရုပ်ရှင် သို့မဟုတ် စိတ်ကူးယဉ်ရုပ်ရှင် ဖြစ်ရမည်။ |
| ၃။ ကိုယ်စားပြုမှု | နောက်ခံအကြောင်းအရာတို့ အပါအဝင် LGBTQ အသိုင်းအဝိုင်း၏ ကွဲပြားမှုကို စစ်မှန်စွာ ကိုယ်စားပြုပြီး ထင်ဟပ်စေသည့် ဇာတ်ကားကို ဦးစားပေးမည်။ |
| ၄။ ဆန်းသစ်တီထွင်မှု | LGBTQ အတွေ့အကြုံကို လေးစားမှုထားပြီး ဖန်တီးမှု နယ်နိမိတ်များနှင့် ဆန်းသစ်သော တင်ဆက်သည့် နည်းလမ်းများပါဝင်သည့် အဆိုပြုလွှာများကို ဦးစားပေးမည်။ |
| ၅။ အကျိုးသက်ရောက်မှုများ | ရိုက်ကူးမည့်ဇာတ်လမ်းသည် LGBTQ အတွေ့အကြုံများနှင့် ပြဿနာများကို သိရှိနားလည်မှု၊ စာနာမှုနှင့် နားလည်မှုတို့ကို မြှင့်တင်ရန် ရည်ရွယ်သင့်သည်။ |
အဆိုပြုလွှာ လမ်းညွှန်ချက်များ
အောက်ပါအချက်များကို မြန်မာဘာသာဖြင့်ဖြစ်စေ၊ English ဘာသာဖြင့်ဖြစ်စေ တစ်စုတစ်စည်းထဲ ရေးသားပေးပို့ရမည်။
၁။ Treatment or Script အဆိုပြုလွှာ – (ဇာတ်လမ်းအကျဉ်းချုပ်၊ ဇာတ်ညွှန်းနှင့် စီမံကိန်းသည် LGBTQ ဆိုင်ရာ အသားပေးမှုနှင့် မည်သို့ ကိုက်ညီကြောင်း ဖော်ပြချက်အပါအဝင် ဇာတ်လမ်းအမျိုးအစားနှင့် ဇာတ်ကားကြာချိန်၊ မည်သို့ရိုက်ကူးမည်စသည့် အသေးစိတ် အဆိုပြုလွှာ တင်ရပါမည်။ ကိုယ်စားလှယ်တစ်ဦးသည် အဆိုပြုလွှာ တစ်ခုသာ လျှောက်ထားနိုင်သည်။)
၂။ ရုပ်ရှင်ရိုက်ကူးသူ၏ မှတ်ချက် – (LGBTQ အသိုင်းအဝိုင်းနှင့် ၎င်းတို့၏ ချိတ်ဆက်မှုနှင့် ဆိုင်သည့် ဇာတ်လမ်းကို ရိုက်ကူးရန်အတွက် ၎င်းတို့၏ စေ့ဆော်မှုကို ဆွေးနွေးဖော်ပြထားသည့် ရုပ်ရှင်ရိုက်ကူးသူထံမှ အတိုချုံးဖော်ပြချက်။)
၃။ အသုံးစာရိတ် ဖော်ပြချက် – (အဆိုပြုထားသော ပရောဂျက်အတွက် ရှင်းရှင်းလင်းလင်းနှင့် လက်တွေ့ကျသော အသုံးစားရိတ် အစီအစဥ်၊ ထောက်ပံ့ငွေများကို မည်သို့ အသုံးပြုမည်ကို ခွဲခြမ်းစိတ်ဖြာခြင်း အပါအဝင် ဖော်ပြပေးရန်။)
၄။ ရိုက်ကူးပြီးခဲ့သော ဇာတ်လမ်းနမူနာ – Link (၎င်းတို့၏ ရုပ်ရှင်ရိုက်ကူးရေးဆိုင်ရာ ကျွမ်းကျင်မှုကို သရုပ်ပြသည့် Reel (သို့ ) ရုပ်ရှင်ရိုက်ကူးသူထံမှ ယခင်အလုပ်နမူနာများကို ထည့်သွင်းဖော်ပြပေးရန်။)
ရန်ပုံငွေ အသေးစိတ်
- ထောက်ပံ့ကြေးပမာဏ – ရွေးချယ်ထားသော ပရောဂျက်(များ)သည် ထောက်ပံ့ငွေ USD 2,500 ရရှိပါမည်။ ဤခေါ်ဆိုမှုအောက်တွင် ရိုက်ကူးမည့် ပရောဂျက် (၃)ခုကိုသာ ရွေးချယ်မည်။
- ကြာချိန် – အဆိုပြုထားသော ရုပ်ရှင်ပရောဂျက်များသည် 2024 ခုနှစ် အောက်တိုဘာလတွင် အပြီးသတ်နိုင်သည့် ဇာတ်လမ်းများ ဖြစ်ရမည်။
အဆိုပြုလွှာ တင်သွင်းရမည့် နောက်ဆုံးရက်
- အဆိုပြုလွှာကို ထောက်ပံ့ကြေးအတွက် ထည့်သွင်းစဉ်းစားရန် မတ်လ ၂၅ ရက်နေ့ ၂၀၂၄ နောက်ဆုံးထား တင်ပြရမည်ဖြစ်သည်။ အချိန်သတ်မှတ်ချက်ထက် နောက်ကျသော အဆိုပြုလွှာများကို လက်ခံမည်မဟုတ်ပါ။
- အဆိုပြုလွှာပေးပို့ရမည့် အီးမေးလ်လိပ်စာ contact@thelinqfoundation.org